ماہرینِ فلکیات نے نظامِ شمسی میں پلوٹو کے مدار سے بھی آگے ایک ممکنہ نئے بونے سیارےکی نشاندہی کی ہے، جسے عارضی طور پر ’ای ڈی 138‘ کا نام دیا گیا ہے۔
ممکنہ چھٹا بونا سیارہ: اگر مستقبل میں مزید مشاہدات اور شواہد سے اس دریافت کی مکمل تصدیق ہو جاتی ہے، تو ای ڈی 138 نظامِ شمسی کے باضابطہ تسلیم شدہ 5 بونے سیاروں کی فہرست میں شامل ہو جائے گا، جن میں سیرس، پلوٹو، ہاؤمیا، ماکی میکی اور ایریس شامل ہیں۔
ویرا سی روبن آبزرویٹری کا کردار: یہ شاندار دریافت چلی میں واقع ویرا سی روبن آبزرویٹری کے جدید مشاہدات کے نتیجے میں سامنے آئی ہے۔ اس آبزرویٹری کی دوربین دنیا کے سب سے بڑے ڈیجیٹل کیمرے سے لیس ہے جو ہر 3 روز میں پورے آسمان کا احاطہ کرنے کی صلاحیت رکھتی ہے۔ اس دوربین نے 2025 میں باقاعدہ کام شروع کیا تھا۔
درداشت کا پس منظر اور تجزیہ: 2026 کے اوائل میں اس دوربین سے حاصل ہونے والے اعداد و شمار کا تجزیہ کرتے ہوئے ماہرِ فلکیات میتھیو ہولمین نے اربوں متحرک اجرامِ فلکی کا جائزہ لیا، جس کے دوران ای ڈی 138 سامنے آیا۔ ابتدائی طور پر خوشگوار حیرت کے بعد کسی بھی تکنیکی خامی کو جانچنے کے لیے انہوں نے یونیورسٹی آف واشنگٹن کے ماہرِ فلکیات ماریو جورک کے ساتھ مل کر کام کیا۔
مدار کا تعین: ماریو جورک نے روبن آبزرویٹری کے ریکارڈ میں مارچ 2026 سے متعلق اس اجرامِ فلكی کے مزید 20 مشاہدات تلاش کیے۔ دیگر فلکیاتی ذرائع سے مدد لیتے ہوئے ماہرین اس نئے بونے سیارے کے مدار کو گزشتہ 10 سال تک پیچھے جا کر کامیابی سے ٹریس کرنے میں بھی کامیاب رہے ہیں۔
اگلا مرحلہ: ای ڈی 138 کو ایک مستند اور باضابطہ بونے سیارے کا درجہ دلانے کے لیے فی الحال مزید سائنسی مشاہدات اور بین الاقوامی تصدیق کا عمل درکار ہے۔