پاکستان تحریک انصاف (پی ٹی آئی) نے لاہور میں دفعہ 144 کے نافذ کو الیکشن کمیشن میں چیلنج کردیا۔
چیئرمین پی ٹی آئی عمران خان کی ہدایت پر لاہور میں دفعہ 144کے نافذ کے خلاف درخواست الیکشن کمیشن میں جمع کرا دی گئی۔
درخواست میں کہا گیا ہےکہ الیکشن کمیشن دفعہ 144 کے نافذ کو ختم کرے، لاہور میں تحریک انصاف کی ریلی پر دفعہ 144 کا نافذ غیر قانونی ہے، پنجاب حکومت دفعہ 144 کا نافذ کرکے سپریم کورٹ کے فیصلے کے پیرا 15 کی خلاف ورزی کر رہی ہے۔
درخواست میں موقف اختیار کیا گیا ہےکہ پنجاب حکومت پی ایس ایل میچ کو جواز بنا کر ریلی کو روکنےکی کوشش کررہی ہے جب کہ تحریک انصاف کی ریلی اور پی ایس ایل کے میچ کا روٹ مختلف ہے، تحریک انصاف کی ریلی ساڑھے 5 بجے ختم ہوگی جب کہ پی ایس ایل کا میچ 7 بجے شروع ہوگا۔
درخواست میں مزیدکہا گیا ہےکہ اس سے پہلےکسی شہر میں پی ایس ایل میچ کے دوران دفعہ 144 کا نافذ نہیں کیا گیا، الیکشن کمپین تحریک انصاف کا آئینی حق ہے، پنجاب حکومت غیر قانونی طور پر تحریک انصاف کی الیکشن کمپین کو روک رہی ہے۔