پشاور: کے پی حکومت نے اپنا فیصلہ تبدیل کرتے ہوئے میدانی علاقوں میں تعلیمی اداروں کی موسم سرما کی تعطیلات کا اعلان کردیا۔
محکمہ تعلیم خیبرپختوخوا نے صوبے کے تمام میدانی علاقوں میں پیر 26 دسمبر سے ایک ہفتے کی موسم سرما کی تعطیلات دینے کے احکامات جاری کردیے۔
سیکریٹری تعلیم کے پی کی طرف سے واٹس ایپ پیغام میں کہا گیا ہے کہ سردی کی شدت میں اضافے کے بعد سمر زون میں ایک ہفتے کی تعطیلات کا فیصلہ کیا گیا ہے، اس حکم نامے کے بعد صوبے کے تمام میدانی علاقوں میں پیر 26 دسمبر سے یکم جنوری تک تمام اسکولز بند رہیں گے۔