جنوبی وزیرستان میں ایک گھر کے اندر دھماکے کے نتیجے میں خواتین سمیت 5 افراد جاں بحق ہو گئے۔
پولیس کے مطابق جنوبی وزیرستان کی تحصیل لدھا کے علاقے تنگی بدین زئی میں گھر کے اندر ہونے والا دھماکا آئی ای ڈی بم سے ہوا، جس کے نتیجے میں 5 افراد جاں بحق ہوئے۔
ابتدائی اطلاعات کے مطابق خاندان حال ہی میں اپنے گھر منتقل ہوا تھا ۔ دھماکے سے جاں بحق ہونے والوں میں 2 خواتین شامل ہیں۔
سرکاری ذرائع کا کہنا ہے کہ جاں بحق ہونے والوں میں بنوت خان ، اس کی بیوی، بیٹا اور بیٹی شامل ہیں۔