ترکیہ، پاکستان، قطر اور انڈونیشیا کا دفاعی تعاون بڑھانے کے لیے ”بدر مفاہمتی یادداشت“ پر دستخط

غیر ملکی خبر رساں ایجنسی رائٹرز کے مطابق ترکیہ، پاکستان، قطر اور انڈونیشیا نے دفاعی صلاحیتوں کو مضبوط بنانے اور باہمی تعاون کو مزید گہرا کرنے کے لیے دوحہ میں ”بدر مفاہمتی یادداشت“ پر دستخط کر دیے ہیں، جس کے تحت چاروں ممالک فوجی سازوسامان کی تیاری، تکنیکی فوجی تربیت، تحقیق و ترقی اور دفاعی صنعت کے فروغ میں اشتراک کریں گے۔ یاد رہے کہ اس سے قبل اگست میں جوہری صلاحیت کے حامل پاکستان، ترکیہ اور سعودی عرب کے درمیان مکہ مشترکہ دفاعی معاہدہ بھی طے پا چکا ہے جس کے تحت ایک فریق پر حملے کو تمام فریقوں پر حملہ تصور کیا جاتا ہے۔ ترک وزارت دفاع کا کہنا ہے کہ بدر معاہدے سے اتحادی ممالک کی دفاعی ضروریات پوری کرنے اور مشترکہ اہداف کے حصول میں بڑی مدد ملے گی۔