راولپنڈی: اسلحہ کے زور پر کمسن بچیوں سے نازیبا حرکت کرنے والے مرکزی ملزم کو گرفتار کرلیا گیا جب کہ اس کے ساتھی کی تلاش جاری ہے۔
ائرپورٹ پولیس نے ایک کارروائی کے دوران اسلحہ کے زور پر 2 کم سن بچیوں کو ڈرا دھمکا کر نازیبا حرکات کرنے والے مرکزی ملزم کو گرفتار کرلیا۔ مدعی مقدمہ کے مطابق ملزمان ارسلان اور عبدالمطلب نے میری 12 سالہ اور 10 سالہ بیٹیوں سے اسلحہ کے زور پر ڈرا دھمکا کر نازیبا حرکات کیں۔
ائرپورٹ پولیس نے متاثرہ بچیوں کے والد کی درخواست پر مقدمہ درج کرکے ملزم ارسلان کو گرفتار کیا اور اس کے دوسرے ساتھی کی گرفتاری کے لیے کوششیں کی جا رہی ہیں۔ پولیس حکام کے مطابق ملزم کو قرار واقعی سزادلوانے کے لیے تمام قانونی تقاضے پورے کیے جائیں گے۔