پتوکی کے علاقے سجوال میں نامعلوم افراد نے آن لائن ٹیکسی ڈرائیور کو قتل کردیا۔
مقتول کی شناخت پینتالیس سالہ عبدالرحمان کے نام سے ہوئی۔
لواحقین کے مطابق ڈاکوؤں نے مسافر بن کر لاہور سے اوکاڑہ جانے کا کہا اور ٹیکسی ڈرائیور کو اغوا کیا۔
اس حوالے سے لواحقین نے مزید بتایا کہ نامعلوم افراد اغوا کے بعد قتل کرکے لاش کھیتوں میں پھینک کر فرار ہو گئے۔
ایس ایچ او کے مطابق ورثا نے تھانہ غازیاں آباد لاہور میں اغوا کا مقدمہ درج کروا رکھا تھا۔
مقامی پولیس نے موقع سے تمام شواہد اکھٹے کر کے لاش تھانہ غازیاں آباد پولیس کے حوالے کر دی۔