روانڈا کے دریائے موگیسیرا میں کشتی الٹنے سے 11 افراد ہلاک اور 4 لاپتہ ہو گئے ہیں۔
خبررساں ادارے کے مطابق ضلع رواماگانا کے میئر ردجاب مبونیومیوونی نے بتایا کہ ضلع نگوما کے رکمبری سیکٹر میں اپنی فصلوں کی کٹائی سے واپس رواماگانا آنے والے کسانوں کی کشتی الٹ کر ڈوب گئی۔
حکام نے بتایا کہ ریسکیو اہلکاروں اور مقامی لوگوں نے 31 افراد کو بچا لیا تاہم 11 افرد ہلاک جبکہ 4 لاپتہ ہو گئے۔ امدادی ٹیمیں لاپتہ افراد کی تلاش میں مصروف ہیں۔
حکام نے مزید بتایا کہ ابتدائی تحقیقات کے مطابق حادثے کی وجہ اوور لوڈنگ ہے کیونکہ کسان کشتی میں فصل بھی لیکر جا رہے تھے۔