سکھر میں آن لائن جنسی ہراسانی اور بلیک میلنگ میں ملوث مجرم کو مقامی عدالت نے 3 سال قید بامشقت کی سزا سنادی۔
فہد منگی نامی شخص کو آن لائن جنسی ہراسانی کا جرم ثابت ہونے پر سزا سنائی گئی۔
مجرم کے خلاف 2023ء میں سائبر کرائم سکھر میں مقدمہ درج کیا گیا تھا۔ مقدمے کی سماعت مکمل ہونے پر سول جج اینڈ جوڈیشل مجسٹریٹ 1 سکھر فاروق احمد میتلو نے ملزم کو مجموعی طور 3 سال قید بامشقت کی سزا سنائی۔
مجرم کو پیکا ایکٹ 2016 کی دفعہ 20 کے تحت 1 سال 6 ماہ قید بامشقت جبکہ دفعہ 21 کے تحت 1 سال 6 ماہ قید بامشقت سنائی گئی۔
ترجمان ایف آئی اے کے مطابق مجرم کی ضمانت موقع پر ہی منسوخ کر دی گئی۔ معزز عدالت کے حکم پر مجرم کو سینٹرل جیل سکھر کے حوالے کیا گیا یے۔
ایف آئی اے کی جانب سے اسسٹنٹ ڈائریکٹر منیر احمد سیال نے مقدمے کی پیروی کی۔