سی ٹی ڈی کراچی نے پرانی سبزی منڈی میں کارروائی کرتے ہوئے کالعدم تحریک طالبان پاکستان (ٹی ٹی پی) کا دہشت گرد گرفتار کرلیا۔
سی ٹی ڈی حکام کے مطابق ملزم کی شناخت عزت من ولد اسفند یار خان کے نام سے ہوئی جو سابق وفاقی وزیر افضل لالا کے گھر پر حملے میں بھی ملوث ہے۔
حکام نے کہا کہ گرفتار ملزم نے 3 فوجیوں کو بھی شہید کیا جب کہ ملزم نے متعدد فوجی چھاؤنیوں سمیت پولیس اسٹیشن پر بھی حملے کا اعتراف کیا۔
سی ٹی ڈی حکام کا کہنا تھا کہ عزت من کے قبضہ سے بڑی تعداد میں ہتھیار اور گولہ بارود بھی برآمد کرلیا گیا ہے۔