کراچی کی علاقے ایم اے جناح روڈ پر ایس آئی یو پولیس نے کارروائی کرکے 4 ملزمان کو گرفتار کرلیا۔ ایس ایس پی جنید شیخ کے مطابق ملزمان موبائل فون کے آئی ایم ای آئی نمبر تبدیل کرنے کے ماہر ہیں۔
ایس ایس پی جنید شیخ کے مطابق ایم اے جناح روڈ پر کارروائی کے دوران چار ملزمان کو گرفتار کیا گیا۔
گرفتار ملزمان میں دو ڈکیت شامل ہیں جبکہ دو ساتھی آئی ایم ای آئی تبدیل کرنے میں ماہر ہیں۔ ملزمان کے قبضے سے دو سو سات موبائل فونز،اٹھارہ ٹیبلٹس، پانچ لیپ ٹاپ اور اٹھارہ مختلف جدید آلات بھی برآمد کرلئے گئے ہیں۔
ملزمان چوری اور چھیننے گئے موبائل فونز کا آئی ایم ای آئی ایک گھنٹے میں تبدیل کرتے اور پھر ان موبائل فونز کو بازاروں میں سستے داموں میں فروخت کرتے تھے۔ گرفتار ملزمان سے مزید تفتیش کی جارہی ہے۔