کراچی میں کورنگی صنعتی ایریا پولیس نے کارروائی کرتے ہوئے باپ اور بیٹی کے قتل میں ملوث 3 ملزمان کو گرفتار کرلیا ہے۔
تفتیشی پولیس کا کہنا ہے کہ گرفتار کیے گئے ملزمان میں طارق، فاروق اور زوہیب شامل ہیں۔
پولیس کے مطابق ملزمان نے 24 ستمبر کو ڈکیتی مزاحمت پر باپ بیٹی کو قتل کیا تھا۔ 3 موٹر سائیکلوں پر سوار 6 ڈاکو سروس روڈ پر واردات کر رہے تھے۔
ملزمان میں سے ایک ڈاکو کو مقتول طاہر نے پکڑ لیا تھا، مقتول طاہر کے ہاتھوں پکڑے گئے ملزم کےساتھیوں نے فائرنگ کرکے طاہر زمان اور اس کی 2 سالہ بیٹی انعم کو قتل کردیا تھا۔
پولیس کا کہنا ہے کہ 2 ملزمان کا تعلق سندھ سے اور تیسرے ملزم کا تعلق جنوبی پنجاب سے ہے۔
گرفتارملزمان اسٹریٹ کرائم کی وارداتوں کیلئےکراچی آتے تھے، 3 مفرور ملزمان کی تلاش کیلئے چھاپے مارے جا رہے ہیں۔