کراچی کےعلاقے لیاقت آباد میں سوٹ کیس میں بند لڑکی کی لاش ملنے کا واقعہ پیش آیا، لاش پھینکنے والے رکشے کی سی سی ٹی وی فوٹیج آج نیوز نے حاصل کرلی۔ تفتیشی ذرائع کا کہنا ہے کہ تفتیش کا دائرہ ماں باپ کے گرد گھومنے لگا ہے۔
فوٹیجز میں رکشے کو مین روڈ سے آتے دیکھا گیا۔ رکشے کے ڈرائیور کے ساتھ بچے اور خاتون کو بیٹھا دیکھا جاسکتا ہے۔
تفتیشی ذرائع کے مطابق رکشہ لاش کے ہمراہ ناظم آباد چورنگی سے لیاقت آباد چونا ڈپو آیا اور رکشہ سوار ملزمان رونگ سائیڈ سے آئے۔
تفتیشی ذرائع کا کہنا ہے کہ ملزمان سوٹ کیس پھینک کر ندی کنارے سڑک سے فرار ہوئے، پولیس لاش پھینک کر فرار ہونے والے راستوں کی سی سی ٹی وی فوٹیج حاصل کررہی ہے۔
پولیس کا کہنا ہے کہ مقتولہ 19 سالہ عریشہ کو ہاتھ باندھ کر تشدد کے بعد قتل کیا گیا، واقعے کی مزید تحقیقات کی جارہی ہیں۔