خیبرپختونخوا کے ضلع اورکزئی میں کوئلے کی کان میں دھماکے سے 11 مزدور زخمی ہو گئے۔ زخمیوں کو ریسکیو آپریشن کے ذریعے ملبے سے نکال کر مقامی اسپتال منتقل کر دیا گیا۔
قبائلی ضلع اورکزئی کے علاقے ڈولی میں حسینیہ جول مائن میں گیس بھر جانے سے دھماکا ہوا۔ جس کے بعد 11 کان کن ملبے تلے دب گئے۔
ڈی پی او صلاح الدین کنڈی کی قیادت میں ریسکیو آپریشن مکمل کر کے زخمیوں کو مقامی اسپتال منتقل کر دیا گیا۔
زخمیوں میں پانچ کا تعلق اورکزئی اور 6 کا تعلق شانگلہ ضلع سے ہے۔