لاہور: جماعت اسلامی پاکستان نے بھارت کی جانب سے حالیہ بزدلانہ حملوں کے خلاف 9 مئی بروز جمعہ کو ملک گیر یوم عزم منانے کا اعلان کیا ہے۔
یہ فیصلہ امیر جماعت اسلامی حافظ نعیم الرحمان کی زیرصدارت مرکزی قیادت کے ہنگامی اجلاس میں کیا گیا۔ اجلاس میں فیصلہ ہوا کہ 9 مئی کو ملک بھر میں بھارت کے خلاف احتجاجی ریلیاں نکالی جائیں گی جبکہ 11 مئی کو لاہور میں ’’پاکستان زندہ باد‘‘ کے عنوان سے تاریخی ریلی منعقد کی جائے گی۔
اجلاس میں سیکریٹری جنرل امیر العظیم، نائب امرا اور صوبائی قیادت نے شرکت کی۔ جماعت اسلامی کی قیادت نے اس موقع پر بھارت کی جارحیت کی شدید مذمت کی اور پوری قوم سے اپیل کی کہ وہ اس یوم عزم میں بھرپور شرکت کرے۔
72