اسلام آباد: نیشنل ڈیزاسٹر مینجمنٹ اتھارٹی (این ڈی ایم اے) نے ملک بھر میں 27 اپریل تک شدید گرمی کی پیشگوئی کی ہے۔ ایڈوائزری کے مطابق، خیبرپختونخوا، گلگت بلتستان اور آزاد کشمیر کے کچھ علاقوں میں آج بارش کی توقع ہے۔
پچھلے 24 گھنٹوں کے دوران سب سے زیادہ درجہ حرارت جیکب آباد میں 43 ڈگری سینٹی گریڈ ریکارڈ کیا گیا۔ ایڈوائزری میں بتایا گیا ہے کہ مٹھی، بہاولنگر اور نوابشاہ میں درجہ حرارت 42، کراچی، قصور، لسبیلہ میں 41، لاہور میں 38، اسلام آباد میں 36، پشاور میں 35، مظفر آباد میں 33، کوئٹہ میں 25، اور گلگت میں 22 ڈگری رہا۔
این ڈی ایم اے نے خبردار کیا ہے کہ آج سے 27 اپریل تک شدید گرمی کی لہر جاری رہنے کا امکان ہے۔