اسلام آباد: عمران خان سے اڈیالہ جیل میں ملاقات نہ کروانے کا معاملہ ایک بار پھر اسلام آباد ہائیکورٹ میں پہنچ گیا۔
اپوزیشن لیڈر عمر ایوب اور قائد حزب اختلاف شبلی فراز نے جیل حکام کے خلاف توہین عدالت کی درخواست دائر کرنے کے لیے ہائیکورٹ کا رخ کیا۔ پی ٹی آئی کے رہنما بائیومیٹرک تصدیق کے بعد اپنی درخواست جمع کرائیں گے۔
یاد رہے کہ اس سے پہلے بھی توہین عدالت کی ایک درخواست دائر کی گئی تھی، جس میں کہا گیا تھا کہ ہائیکورٹ کے حکم کے باوجود ملاقات نہیں کروائی گئی۔ تاہم، پہلی درخواست ابھی تک سماعت کے لیے مقرر نہیں ہو سکی تھی۔
اس موقع پر عمران خان کی بہنیں علیمہ خان اور عظمیٰ خان کے علاوہ تحریک تحفظ آئین کے رہنما اخونزادہ حسین بھی ہائیکورٹ میں موجود تھے۔