خیبر پختونخوا کے وزیراعلیٰ علی امین گنڈاپور نے بیرسٹر سیف کے ساتھ اڈیالہ جیل میں عمران خان سے ملاقات کی، جو تقریباً ڈھائی گھنٹے تک جاری رہی۔
اس ملاقات میں خیبر پختونخوا کے انتظامی امور، سیاسی معاملات، اور بلوچستان میں امن و امان کی صورتحال پر بات چیت ہوئی۔
عمران خان نے وزیراعلیٰ کو کچھ اہم ہدایات دیں۔ ذرائع کے مطابق، یہ ملاقات گزشتہ روز اعظم سواتی کی عمران خان سے ملاقات کے بعد ہوئی، جس میں پارٹی عہدوں کی تقرریوں اور دیگر معاملات پر گفتگو کی گئی۔
ملاقات کے دوران جیل کے ارد گرد سخت سیکیورٹی کے انتظامات کیے گئے تھے۔