گوشواروں کی تفصیلات نہ دینے پر 10 سابق ارکان قومی اسمبلی نااہل

پاکستان کے الیکشن کمیشن نے 10 سابق ارکان اسمبلی کو اثاثوں اور گوشواروں کی تفصیلات جمع نہ کرانے پر نااہل قرار دے دیا ہے۔ اس فیصلے میں قومی اسمبلی کے ان ارکان کے ساتھ ساتھ سندھ اور بلوچستان اسمبلیوں کے 7، 7 سابق ارکان بھی شامل ہیں۔ الیکشن کمیشن نے واضح کیا ہے کہ جب تک یہ ارکان اپنے اثاثوں کی تفصیلات فراہم نہیں کرتے، وہ کسی بھی انتخاب میں حصہ نہیں لے سکتے۔

نااہل قرار دیے گئے قومی اسمبلی کے سابق ارکان میں خرم دستگیر خان، محسن نواز رانجھا، محمد عادل، رانا محمد اسحاق خان، کمال الدین، عصمت اللہ، ثمینہ مطلوب، نصیبہ، شمیم آرا پنہور اور روبینہ عرفان شامل ہیں۔

اسی طرح، سندھ اسمبلی کے سابق ارکان عدیل احمد، حزب اللہ بھگیو، ارسلان تاج حسین، عارف مصطفیٰ جتوئی، عمران علی شاہ، علی غلام اور طاہرہ بھی نااہل قرار دیے گئے ہیں۔ بلوچستان اسمبلی کے سابق ارکان میر سکندر علی، میر محمد اکبر، سردار یار رند، عبدالرشید، عبدالواحد صدیقی، میر حمال اور بی بی شاہینہ بھی اس فہرست میں شامل ہیں۔