عید سے قبل بارشوں کی پیشگوئی، کون سے علاقے متاثر ہوں گے؟

محکمہ موسمیات نے عید الفطر سے پہلے ملک بھر میں بارشوں کے ایک نئے سلسلے کی پیشگوئی کی ہے۔ 

25 سے 27 مارچ کے دوران، بالائی اور وسطی علاقوں میں بارش کی توقع ہے، جبکہ پہاڑی علاقوں میں ژالہ باری اور برفباری بھی ہو سکتی ہے۔ 

بونیر، دیر، مالاکنڈ، صوابی، چارسدہ، ایبٹ آباد اور پشاور میں 25 سے 27 مارچ تک بارش ہونے کا امکان ہے۔ اسی طرح، کرک، لکی مروت، وزیرستان اور ڈی آئی خان میں 25 اور 26 مارچ کے دوران بارش کے ساتھ ساتھ ژالہ باری اور برفباری کی بھی توقع کی جا رہی ہے۔ 

اسلام آباد، خطہ پوٹھوہار، مری، گلیات اور وسطی پنجاب کے مختلف شہروں میں بھی 25 سے 27 مارچ کے دوران بارش کی پیشگوئی کی گئی ہے۔ 

بلوچستان کے مختلف علاقوں جیسے کوئٹہ، زیارت، ژوب، موسیٰ خیل، چمن اور مستونگ میں بھی بارش کی توقع ہے، جبکہ سندھ میں 25 اور 26 مارچ کو گرد آلود ہوائیں چلنے کا امکان ہے۔ 

آندھی اور ژالہ باری کی وجہ سے انفراسٹرکچر اور کھیتوں کو نقصان پہنچنے کا خدشہ ہے، اور بالائی علاقوں میں لینڈ سلائیڈنگ کا خطرہ بھی موجود ہے۔