راولپنڈی کی انسداد دہشت گردی عدالت نے پاکستان تحریک انصاف کے ایم پی اے قاضی احمد اکبر اور رہنما ایمان طاہر کی جائیداد ضبط کرنے کے احکامات جاری کر دیے۔
دونوں افراد کے خلاف 26 نومبر کے احتجاج پر تھانہ حضرو اٹک میں 5 مقدمات درج تھے، جبکہ مسلسل عدم پیشی پر انہیں اشتہاری قرار دیا گیا تھا۔
اٹک پولیس نے رپورٹ میں عدالت کو آگاہ کیا کہ دونوں رہنما گرفتاری سے بچنے کے لیے روپوش ہیں، جس پر عدالت نے ان کی جائیداد قرق کرنے کا فیصلہ کیا۔
یہ بھی یاد رہے کہ انسداد دہشت گردی عدالت نے ایک روز قبل پی ٹی آئی رہنما عمر ایوب کی ضمانت بھی منسوخ کر دی تھی۔