پشاور: محکمہ انسداد دہشتگردی (سی ٹی ڈی) نے بنوں اور چارسدہ میں کامیاب کارروائیاں کرتے ہوئے 3 دہشتگردوں کو ہلاک کردیا۔
سینٹرل پولیس آفس پشاور کے مطابق سی ٹی ڈی کی ٹیموں نے بنوں اور چارسدہ میں خفیہ اطلاعات پر آپریشن کیے، جس کے دوران 3 دہشتگرد مارے گئے۔
پولیس کے مطابق بنوں میں ہونے والے آپریشن میں 2 دہشتگرد ہلاک ہوئے، جو پولیس کانسٹیبل ارمان خان پر حملے میں ملوث تھے۔
چارسدہ میں ہونے والی کارروائی میں مطلوب دہشتگرد جاوید خان مارا گیا، جس کے قبضے سے دستی بم، پستول، پرائما کارڈ اور سیفٹی فیوز برآمد ہوئے۔