اسلام آباد: سپریم کورٹ نے بانی چیئرمین پی ٹی آئی عمران خان کے خلاف توہینِ عدالت کی درخواست سماعت کے لیے مقرر کر لی ہے۔ جسٹس امین الدین کی سربراہی میں 5 رکنی آئینی بینچ 21 مارچ کو اس کیس کی سماعت کرے گا۔ یہ درخواست وفاقی حکومت کی جانب سے دائر کی گئی تھی۔ درخواست میں مؤقف اختیار کیا گیا تھا کہ 25 مئی 2022ء کو لانگ مارچ کے دوران سپریم کورٹ کے احکامات کی خلاف ورزی کی گئی۔ عدالت نے لانگ مارچ کے لیے گراؤنڈ مختص کرنے کا حکم دیا تھا اور بانی پی ٹی آئی کے وکلا نے یقین دہانی کرائی تھی کہ مارچ مقررہ مقام تک محدود رہے گا۔ تاہم، لانگ مارچ جناح ایونیو پر اختتام پذیر ہوا اور کارکنان نے ڈی چوک کے قریب درختوں کو آگ لگا دی۔ عدالت نے حکومت سے درخواست کی مزید پیروی کرنے یا نہ کرنے پر وضاحت طلب کی تھی۔ بانی پی ٹی آئی کے وکیل سلمان اکرم راجا نے جواب جمع کروا دیا ہے۔
4