پنجاب میں بارشیں کب ہوں گی؟ محکمہ موسمیات کی پیشگوئی

لاہور: پنجاب میں آج موسم ابر آلود رہنے کی توقع ہے اور محکمہ موسمیات نے بارش سے متعلق پیشگوئی جاری کی ہے۔ محکمہ موسمیات کے مطابق، لاہور سمیت پنجاب کے مختلف اضلاع میں آج موسم ابرآلود رہے گا، جبکہ راولپنڈی اور گجرانوالہ ڈویژن میں ہلکی بارش کے امکانات ہیں۔ لاہور میں بادلوں اور سورج کے درمیان آنکھ مچولی جاری رہے گی، مگر بارش کے امکانات کم ہیں۔ 11 سے 13 مارچ تک پنجاب کے بیشتر اضلاع میں موسم ابر آلود اور بوندا باندی ہوسکتی ہے، جبکہ 14 اور 15 مارچ کو بارش کے امکانات ہیں۔ پی ڈی ایم اے نے 9 سے 16 مارچ تک بارشوں کی پیشگوئی کی ہے۔ لاہور میں گزشتہ روز موسم خشک رہا اور آج بھی بارش کے امکانات نہیں۔