وزیراعظم شہباز شریف اور بلاول بھٹو زرداری کی ملاقات آج طے

اسلام آباد: وزیراعظم شہباز شریف اور بلاول بھٹو زرداری کی ملاقات آج ہوگی۔ وزیراعظم نے بلاول بھٹو کو افطار ڈنر پر مدعو کیا ہے۔ ملاقات میں سیاسی اور پنجاب کی صورتحال پر غور ہوگا۔ بلاول بھٹو کے ہمراہ پیپلز پارٹی کا وفد بھی ہوگا جس میں چیئرمین سینیٹ یوسف رضا گیلانی، نوید قمر اور راجہ پرویز اشرف شامل ہیں۔ پیپلز پارٹی مکمل تیاری کے ساتھ ملاقات کرے گی۔ ایک ہفتہ قبل بھی ملاقات طے ہوئی تھی لیکن منسوخ ہوگئی تھی۔ گزشتہ ملاقات میں حکومت کے انتظامی معاملات اور پارٹی تحفظات زیر بحث آنے تھے۔