اسلام آباد کی عدالت نے پاکستان تحریک انصاف کے رہنما عمر ایوب، عامر ڈوگر اور عامر مغل کے ناقابل ضمانت وارنٹ گرفتاری جاری کر دیے۔
یہ وارنٹ جوڈیشل مجسٹریٹ شہزاد خان نے جاری کیے، جب ملزمان عدالت میں پیش نہ ہوئے۔ مقدمہ اسلام آباد میں دفعہ 144 کی خلاف ورزی سے متعلق ہے۔
سماعت کے دوران چیئرمین پی ٹی آئی بیرسٹر گوہر خان اور شعیب شاہین کی طرف سے حاضری سے استثنا کی درخواستیں منظور کر لی گئیں، تاہم ملزمان کی بریت سے متعلق دلائل آج بھی مکمل نہ ہو سکے۔
عدالت نے مزید سماعت 23 اپریل کو مقرر کرتے ہوئے کیس ملتوی کر دیا۔
خیال رہے کہ ان رہنماؤں کے خلاف تھانہ آئی 9 میں 2 مقدمات درج ہیں، جن میں قانونی کارروائی جاری ہے۔