پشاور کے اہم سپوتوں کیلئے فخر پشاور ایوارڈ

پشاور۔ضلعی حکومت کی جانب سے پشاور کیلئے کارہائے نمایاں انجام دینے والوں کی حوصلہ افزائی کیلئے فخر پشاورایوارڈ کاانعقادکیا گیا ایواڈ تین کیٹیگریز ‘ لیجنڈ ‘ چیمپئن اور یوتھ میں دئیے گئے ‘ قمرزمان ‘ جہانگیر خان ‘ جان شیر خان ‘عمر گل‘ خیال محمد‘ نجیب اللہ انجم ‘ رشید ناز ‘ سید رحمان شینو‘ اعجاز میر‘ معاذ اللہ ‘ امجد عزیز ملک‘ اسماعیل شاہد ‘ سمیت 75افراد کو فخر پشاورایوارڈ سے نوازا گیا۔

نشترہال پشاورمیں منعقدہ تقریب میں وزیر اطلاعات خیبر پختونخوا شاہ فرمان‘ وزیر جنگلات سید اشتیاق ارمڑ ‘ ضلع ناظم پشاور محمدعاصم خان ‘ ضلع نائب ناظم سید قاسم علی شاہ‘ ناظم ٹاؤن ون زاہد ندیم‘ ناظم ٹاؤن ٹو فریداللہ ‘ کلچرکمیٹی کے چیئرمین میناخان آفریدی ‘ وائس چیئرمین وسیم اکرم‘ ممبرعالمزیب صافی ‘ ضلع کونسل پشاورکے ممبران‘ ڈائریکٹر کلچر ‘ ڈی جی سپورٹس اورکثیر تعداد میں خواتین و حضرات نے شرکت کی اس موقع پر شائقین کیلئے موسیقی ‘ طنزومزاح اورخاکے پیش کئے گئے جس سے شائقین محظوظ ہوتے رہے ‘ تقریب سے خطاب کرتے ہوئے ضلع ناظم پشاورمحمدعاصم خان نے فخر پشاور کے کامیاب انعقاد پر کمیٹی کنے چیئرمین ‘ وائس چیئرمین اورممبران کو خراج تحسین پیش کیا۔