اسلام آباد: پی ٹی آئی رہنما جہانگیر ترین نے طویل عرصے کے لئے بیرون ملک جانے کا فیصلہ کرلیا ہے۔
تحریک انصاف کے سینیئر رہنما جہانگیر ترین نے بیرون ملک جانے کا فیصلہ کرلیا ہے۔ جہانگیر ترین کے ترجمان بابر بن عطا نے خبر کی تصدیق کرتے ہوئے کہا ہے کہ عمران خان پاکستان کے وزیراعظم بن گئے ہیں اور جہانگیرترین کا خواب پورا ہوگیا ہے اس لئے اب انہوں نے طویل وقت کے لئے بیرون ملک قیام کا فیصلہ کیا ہے۔
ترجمان نے بتایا ہے کہ جہانگیر ترین 21 اگست کو بیرون ملک روانہ ہوجائیں گے، ان کے بیرون ملک جانے کا مقصد اپنے مستقبل کے حوالے سے سوچ بچار کرنا اور خود کو وقت دینا ہے۔