سوئٹزرلینڈ: محققین کا بغیر بازو اور جسم کے صرف انگلیوں کی مدد سے چلنے والا روبوٹک ہاتھ تیار

سوئٹزرلینڈ کے معروف ادارے ای ٹی ایچ زیورخکی سافٹ روبوٹکس لیب کے محققین نے ایک انوکھا روبوٹک ہاتھ تیار کیا ہے جو کسی بازو یا جسم کی مدد کے بغیر صرف اپنی انگلیوں کے بل چلنے کی صلاحیت رکھتا ہے۔ اس روبوٹک ہاتھ کا موازنہ مشہور ٹی وی سیریز ’’دی ایڈمز فیملی‘‘ کے معروف کردار ’’تھِنگ‘‘ سے کیا جا رہا ہے۔

• منفرد خصوصیت: سافٹ روبوٹکس لیب میں ڈاکٹریٹ کے امیدوار امیر حسین کاظمی پور کے مطابق، اس روبوٹک ہاتھ کی سب سے بڑی اور منفرد خوبی یہ ہے کہ یہ کسی بھی بیرونی یا جسمانی مدد کے بغیر خود چل سکتا ہے۔

• تکنیکی چیلنجز: ادارے کی جانب سے جاری کردہ ویڈیو میں بتایا گیا کہ روبوٹک ہاتھ کو چلنے کے قابل بنانا ایک انتہائی پیچیدہ عمل تھا، کیونکہ ہاتھ کی تمام انگلیاں ایک جیسی نہیں ہوتیں، اس لیے روبوٹ کو چلنے کے دوران اپنی انگلیوں کے مابین بہترین ہم آہنگی پیدا کرنا پڑتی ہے اور اپنا توازن برقرار رکھنا ہوتا ہے۔