پاکستان تحریک انصاف (پی ٹی آئی )اور سنی اتحاد کونسل کے درمیان معاملات طے پا گئے۔
ذرائع کے مطابق پی ٹی آئی اور سنی اتحاد کونسل میں پنجاب اور سندھ کی سطح پر معاملات حوالے سے دو روز پہلے معاملات طے ہوئے تھے، پنجاب اور سندھ میں پی ٹی آئی کے آزاد اراکین سنی اتحاد کونسل جوائن کریں گے۔
ذرائع نے بتایا ہے کہ تحریک انصاف اور سنی اتحاد کونسل کے مابین وفاق میں بھی اتحاد ہو گا یا نہیں اس حوالے سے مذاکرات جاری ہیں ۔ پی ٹی آئی کے حمایت یافتہ آزاد ارکان کل سنی اتحاد کونسل میں شمولیت کی دستاویزات جمع کروائیں گے۔
ذرائع کے مطابق سنی اتحاد کونسل کے سربراہ اور سیکریٹری جنرل پی ٹی آئی کے درمیان آج ملاقات متوقع ہے جس میں وفاق میں ساتھ چلنے پر فیصلہ کیا جائے گا۔