روس نے ہائی اسکولوں کے طلباء کو جنگی ڈرون چلانے کی تربیت دینے کا اعلان کردیا۔
اعلان میں کہا گیا کہ ستمبر سے شروع ہونے والے نئی تعلیمی سال سے پروگرام پر عمل شروع کردیا جائے گا۔ یہ مشقیں بنیادی فوجی تربیت کے فریم ورک کے اندر 15 سے 17 سال کی عمر کے طالب علموں کو دی جائیں گی۔
ان سکول طلبہ کو ڈرونز کی ٹھوس آزمائشی کارروائیاں کرنے اور دشمن کے ڈرون سے بچنے کے طریقے سیکھنے کا موقع بھی فراہم کیا جائے گا۔
یاد رہے سوویت دور میں بھی سکول کے طلبہ کو فوجی طرز کی تربیت فراہم کی جاتی تھی اور پھر انہیں ترک کردیا گیا تھا تاہم اب تعلیمی سال 2023-2024 کے آغاز سے ان تربیتوں کا دوبارہ آغاز کیا جارہا ہے۔
یوکرین میں جنگ شروع ہونے کے تقریباً 18 ماہ بعد وزارت تعلیم کی طرف سے شائع ہونے والے ایک پروگرام نے ظاہر کیا کہ روسی نوجوان ڈرونز کے فوجی استعمال کے ذرائع کے متعلق سیکھ سکیں گے۔ یا وہ کسی طرح ڈرون کے ذریعہ پوشیدہ مشنوں کا استعمال کرتے ہوئے جاسوسی کے مشن کو انجام دینا سیکھ سکیں گے۔