اسلام آباد۔ ایئر پورٹ سکیورٹی فورس (اے ایس ایف) نے اسلام آباد انٹرنیشنل ایئرپورٹ پر مسافر سے دو کلو 38 گرام آئس برآمد کر لی۔اے ایس ایف نے ایئرپورٹ پر صوابی کے رہائشی زرولی کے سامان کی تلاشی لی۔
تلاشی کے دوران مسافر کے سامان سے دو کلو 38 گرام آئس ہیروئن برآمد ہوئی۔ اے ایس ایف کے مطابق آئس ہیروئن کپڑوں میں چھپائی گئی تھی۔ مسافر نجی ایئرلائین سے جدہ جا رہا تھا۔اے ایس ایف حکام نے مسافر زر ولی کو اے این ایف کے حوالے کردیا۔ اینٹی نارکوٹکس فورس نے ملزم کے خلاف مقدمہ درج کرکے معاملہ کی تحقیقات شروع کر دی ہیں۔