پشاور۔خیبر پختونخوا سے مختلف سیاسی پارٹیوں کے امیدواروں کے اثاثوں کی تفصیلات سامنے آگئیں ،سابق صوبائی وزیرشاہ فرمان اور ضیاء اللہ آفریدی کروڑ پتی نکلے،سراج الحق انتیس لاکھ روپے کے اثاثوں کے مالک ہیں ۔عام انتخابات کے لئے جمع کرائے گئے مختلف پارٹیوں کے کاغذات نامزدگی کی تفصیلات کے مطابق امیدوار کروڑوں روپے کے اثاثوں کے مالک نکلے،تفصیلات کے مطابق ضیاء اللہ آفریدی تین کروڑ بانوے لاکھ کے اثاثوں کے مالک ہیں،آٹھ کروڑ روپے کا بینک اکاونٹ سمیت دیگر اثاثے بھی ان کی ملکیت ہیں ۔
اسی طرح تحریک انصاف کے سابق صوبائی وزیرشاہ فرمان کے اثاثوں کی مالیت ایک کروڑ چونسٹھ لاکھ روپے سے زائد ہے،شاہ فرمان کا بڈھ بیر میں ستر مرلے اورحیات آباد میں دو کنال کے گھر کے مالک ہیں ،شاہ فرمان کے اثاثوں میں بائیس لاکھ روپے کی ذاتی گاڑی اور تیراہ لاکھ روپے کے زیوارات بھی شامل ہیں ،شاہ فرمان کی اہلیہ کے اکاونٹ میں دولاکھ چوراسی ہزار روپے بیلنس موجود ہے۔
اسی طرح امیر جماعت اسلامی سراج الحق انتیس لاکھ اثاثوں کے مالک ہیں جن میں ساڑھے چار تولے زیور،بارہ کنال مشترکہ زمین اور نجی سکول میں شراکت داری شامل ہے ،سراج الحق کے تین بینک اکاؤنٹس میں اٹھارہ لاکھ سے زائد کی رقم موجود ہے،دو بار صوبائی وزیر خزانہ رہنے والے سراج الحق کے پاس ذاتی گاڑی نہیں جبکہ بیرون ملک کوئی اثاثے نہ ہونے سمیت بنک ڈیفالٹر بھی نہیں ہیں۔