مری میں لوئر موہڑا بڑاہوتر کے قریب اسکول کے بچوں کو لے جانے والی وین بے قابو ہو کر سڑک سے نیچے جا گری جس کے نتیجے میں گاڑی میں آگ لگ گئی اور 10 بچے جھلس کر زخمی ہو گئے۔ ریسکیو حکام کے مطابق پرائیویٹ اور سرکاری اسکول کے بچوں پر مشتمل اس وین کو حادثے کے فوراً بعد فائر فائٹنگ ٹیم نے آگ پر قابو پایا اور تمام بچوں کو بحفاظت نکال کر سول اسپتال مری منتقل کیا، جہاں سے کچھ بچوں کو بہتر علاج کے لیے ہولی فیملی اسپتال راولپنڈی بھی منتقل کر دیا گیا ہے۔ ڈپٹی کمشنر مری آغا ظہیر عباس شیرازی نے تصدیق کی ہے کہ زخمی ہونے والے تمام بچوں کی حالت خطرے سے باہر ہے، جبکہ اس واقعے نے ملک بھر میں اسکول ٹرانسپورٹ کی فٹنس اور حفاظتی انتظامات سے متعلق پرانے اور المناک حادثات کی یادیں تازہ کر دی ہیں۔
2