.jpg)
محکمہ موسمیات نے ملک کے مختلف علاقوں میں آئندہ 24 گھنٹوں کے دوران تیز ہواؤں اور گرج چمک کے ساتھ بارش کی پیشگوئی کی ہے۔
محکمہ موسمیات کے مطابق اسلام آباد، بالائی پنجاب، خیبرپختونخوا اور کشمیر کے بعض علاقوں میں بارش کا امکان ہے، جبکہ پوٹھوہار ریجن میں شام اور رات کے اوقات میں گرج چمک کے ساتھ بارش متوقع ہے۔
پنجاب کے مختلف علاقوں میں بھی بارش کا امکان ظاہر کیا گیا ہے، جبکہ بعض مقامات پر موسلادھار بارش اور ژالہ باری ہوسکتی ہے۔ لاہور سمیت وسطی پنجاب کے علاقوں میں بھی موسم میں تبدیلی متوقع ہے۔
خیبرپختونخوا کے مختلف اضلاع میں گرج چمک کے ساتھ بارش کا امکان ہے، جبکہ کشمیر میں بھی بعض مقامات پر بارش اور تیز ہواؤں کی پیشگوئی کی گئی ہے۔
دوسری جانب ملک کے بیشتر میدانی اور جنوبی علاقوں میں موسم گرم اور خشک رہنے کا امکان ہے، جبکہ چند علاقوں میں موسم گرم اور مرطوب رہ سکتا ہے۔
پاکستان میٹرولوجیکل ڈیپارٹمنٹ کے مطابق بالائی علاقوں میں بارش کے باعث درجہ حرارت میں کمی کا امکان ہے، جبکہ شہریوں کو تیز ہواؤں اور گرج چمک کے دوران احتیاطی تدابیر اختیار کرنے کی ہدایت کی گئی ہے۔