.jpg)
فیصل آباد ریلوے پولیس نے بروقت کارروائی کرتے ہوئے 18 سالہ لڑکی عائشہ کے اغوا کی کوشش ناکام بنا دی اور ملزم رضا کو گرفتار کر لیا۔
ابتدائی اطلاعات کے مطابق، ملزم لڑکی کو اغوا کر کے ننکانہ صاحب سے کراچی لے جانا چاہتا تھا تاکہ زبردستی شادی کی جا سکے۔ لیکن ریلوے پولیس نے لڑکی کو فیصل آباد ریلوے اسٹیشن پر پریشانی کی حالت میں پایا اور فوری قانونی کارروائی کی۔
مزید تفتیش کے دوران معلوم ہوا کہ لڑکی کے ورثا نے اس کے اغوا کا مقدمہ تھانہ صدر ننکانہ صاحب میں درج کروا رکھا تھا۔
ریلوے پولیس نے لڑکی کو اس کی مرضی کے مطابق محفوظ طریقے سے قانونی ورثا کے حوالے کیا جبکہ ملزم کو مزید کارروائی کے لیے سب انسپکٹر تھانہ صدر ننکانہ صاحب کے حوالے کر دیا گیا۔