پشاور۔ خیبر پختونخوا حکومت نے شہدا کے بچوں کو صوبے کے سرکاری میڈیکل اور انجینئرنگ کالجوں میں مفت تعلیم مہیا کرنے کی منظوری دید ی ہے ۔محکمہ مالیات کے ایک خصوصی نوٹیفکیشن کے مطابق اس پیکیج کا اطلاق صرف پاکستان میڈیکل اینڈ ڈینٹل کونس اور پاکستان انجینئرنگ کونسل سے الحاق شدہ کالجز میں میرٹ کے ذ ریعے داخلے پر ہوگا جبکہ سیلف فنانس کے تحت داخلہ پیکیج میں شامل نہیں ہوگا ۔
اس پیکیج کے تحت نجی میڈیکل اور انجینئرنگ کالجوں میں بھی داخلہ نہیں لیا جاسکے گا ۔نوٹیفیکیشن میں واضح کیا گیا ہے کہ داخلے کے لیے دیگر شرائط و ضوابط ایجوکیشن پیکیج 2010کے مطابق برقرار رہیں گے ۔اس فیصلے کے متعلق پشاور ہائی کورٹ سمیت صوبے کے تمام محکموں کو باقاعدہ طور پر آگا ہ کردیا گیا ہے ۔
290