مشہور پاکستانی یوٹیوبر اور ٹک ٹاکر رجب بٹ برطانیہ سے بے دخل ہونے کے بعد پاکستان واپس پہنچ گئے ہیں، لیکن وہ اپنی اہلیہ ایمان فاطمہ اور نوزائیدہ بیٹے سے ملاقات نہیں کر سکے، حالانکہ اپنی والدہ سے ملاقات کر چکے ہیں۔
رجب بٹ نے میڈیا کو بتایا کہ واپسی کے بعد سب سے پہلے والدہ سے ملاقات کی، جس سے انہیں سکون ملا، لیکن اہلیہ اور بیٹے سے نہ ملنے کی وجہ سے وہ ادھورا محسوس کر رہے ہیں۔ انہوں نے کہا کہ واپسی پر توقع تھی کہ ایمان اور بیٹا گھر پر ہوں گے، لیکن وہ والدہ کے گھر تھے جس کی وجہ سے ملاقات ممکن نہ ہوئی۔
سوشل میڈیا صارفین نے رجب بٹ پر تنقید کرتے ہوئے کہا کہ اگر وہ اپنے بیٹے کو واقعی یاد کرتے ہیں تو سسرال جا کر فوراً ملاقات کرنی چاہیے۔ بعض نے انہیں مغرور قرار دیا اور کہا کہ ان کے رویے سے لگتا ہے کہ وہ اپنی فیملی کی اہمیت کو سمجھتے نہیں۔
کچھ صارفین کا یہ بھی کہنا ہے کہ ممکن ہے ایمان بٹ، رجب بٹ کے برطانیہ سے جانے کے بعد حمل کے دوران یا بیٹے کی پیدائش کے بعد، فی الحال ملاقات کے لیے تیار نہ ہوں۔
واضح رہے کہ برطانیہ میں رہائش کے دوران رجب بٹ اپنی ولاگز میں اہلیہ سے والہانہ محبت کا اظہار کرتے رہے تھے، لیکن اب پاکستان واپسی کے بعد ان کی فیملی سے عدم ملاقات صارفین کے لیے سوالیہ نشان بن گئی ہے۔