ضلع کچہری لاہور میں اختیارات کے ناجائز استعمال کے مقدمے کی سماعت کے دوران این سی سی آئی اے کے افسران کو جوڈیشل ریمانڈ پر جیل منتقل کر دیا گیا۔
جوڈیشل مجسٹریٹ نعیم وٹو نے ایف آئی اے کی درخواست پر سماعت کی۔ ایف آئی اے نے ملزم شعیب ریاض کو دو روزہ جسمانی ریمانڈ مکمل ہونے کے بعد عدالت میں پیش کیا۔
عدالت نے جسمانی ریمانڈ مکمل ہونے پر ملزم کو جوڈیشل ریمانڈ پر جیل بھیج دیا۔ اس سے قبل سات دیگر ملزمان کو بھی عدالت نے جوڈیشل ریمانڈ پر جیل منتقل کر دیا تھا۔ ایف آئی اے نے ملزمان کے خلاف مقدمہ درج کر رکھا ہے۔