ماڈل اور اداکارہ نادیہ حسین کو ایف آئی اے نے ان کے شوہر کی جانب سے بینک اکاؤنٹ میں کروڑوں روپے کی مشکوک منتقلی کے سلسلے میں تحقیقات کے لیے طلب کر لیا ہے۔
ایف آئی اے کارپوریٹ کرائم سرکل کے ذرائع کے مطابق نادیہ حسین کو 14 اپریل کو تفتیش کے لیے بلایا گیا ہے۔ ان کے شوہر عاطف خان اربوں روپے کی مبینہ کرپشن کے کیس میں زیرِ تفتیش ہیں اور اب رقم کی منتقلی کے شواہد سامنے آنے پر نادیہ حسین سے بھی پوچھ گچھ کی جائے گی۔