پنجاب پولیس نے ڈیرہ غازی خان کے تھانہ وہوا کی جھنگی چیک پوسٹ پر خوارجی دہشت گردوں کے حملے کو ناکام بنا دیا۔
ترجمان کے مطابق، 20 سے 25 دہشت گردوں نے رات کی تاریکی کا فائدہ اٹھاتے ہوئے راکٹ لانچرز اور جدید ہتھیاروں سے حملہ کیا۔ چوکی پر موجود اہلکاروں نے زبردست مزاحمت کی اور جوابی کارروائی کے ذریعے دہشت گردوں کو پیچھے ہٹنے پر مجبور کر دیا۔
پولیس نے یہ بھی بتایا کہ دہشت گردوں کو جانی نقصان پہنچا ہے اور ان کی تلاش کے لیے سرچ آپریشن جاری ہے۔