چکو چک واندر، سرائے مغل کے قریب ایک دل دہلا دینے والا واقعہ پیش آیا، جہاں ایک شوہر نے اپنی 35 سالہ حاملہ بیوی کو ناجائز تعلقات کے شبے میں قتل کر دیا۔
پولیس کے مطابق، ملزم نے تیز دھار آلے سے حملہ کر کے بیوی کو موت کے گھاٹ اتار دیا۔
خاندانی ذرائع کے مطابق، مقتولہ معافیہ بی بی پانچ سے چھ ماہ کی حاملہ تھی اور اس کی دو بیٹیاں بھی ہیں۔ واقعے کی اطلاع ملتے ہی پولیس نے موقع پر پہنچ کر تفتیش کا آغاز کیا۔
پولیس کا کہنا ہے کہ ملزم فرار ہو چکا ہے، اور اس کی گرفتاری کے لیے ایک خصوصی ٹیم تشکیل دی گئی ہے۔ مقتولہ کی لاش قانونی کارروائی کے بعد ورثا کے حوالے کر دی گئی، اور تحقیقات جاری ہیں۔