اگر آپ روزانہ اپنے فون کو 100 فیصد چارج کرتے ہیں یا اسے رات بھر چارجر پر لگا کر چھوڑ دیتے ہیں، تو آپ بیٹری کی عمر کم کر رہے ہیں!
اسمارٹ فون کی بیٹری جلدی خراب کیوں ہوتی ہے؟
اکثر لوگ شکایت کرتے ہیں کہ ان کے فون کی بیٹری جلدی ختم ہو جاتی ہے یا چند مہینوں میں خراب ہو جاتی ہے۔ مگر بہت کم لوگ یہ جانتے ہیں کہ یہ مسئلہ ہماری اپنی غلطیوں کی وجہ سے ہوتا ہے۔
ماہرین کے مطابق، ہر بار فون کو مکمل چارج کرنا بیٹری کے لیے نقصان دہ ہو سکتا ہے۔ اس کی وجہ یہ ہے کہ مکمل چارجنگ بیٹری پر دباؤ بڑھاتی ہے، جو اس کے کیمیکل کمپوزیشن کو تبدیل کر دیتی ہے۔
بیٹری لائف بڑھانے کے بہترین طریقے
فون کو ہمیشہ 20-80 فیصد کے درمیان چارج کریں۔
زیرو پر پہنچنے سے پہلے ہی چارجنگ پر لگا دیں۔
اورجنل چارجر اور کیبل استعمال کریں۔
زیادہ درجہ حرارت سے بچائیں، چارجنگ کے دوران فون زیادہ گرم نہ ہونے دیں۔
رات بھر چارجنگ سے گریز کریں۔
ماہرین کی وارننگ: چارجنگ کے دوران احتیاط کریں!
فون کو بستر پر یا تکیے کے نیچے چارج نہ کریں، کیونکہ اضافی گرمی آگ لگنے کا سبب بن سکتی ہے۔
چارجنگ کے دوران فون کا درجہ حرارت زیادہ ہو جائے تو چارجنگ بند کر دیں۔
اگر آپ کو پورا دن فون کی بیٹری چاہیے، تو 100 فیصد چارجنگ صرف خاص مواقع پر کریں۔
ایپل اور اینڈرائیڈ میں اسمارٹ چارجنگ آپشن
ایپل کے آئی فونز میں 80 فیصد چارجنگ لمٹ کا آپشن موجود ہے، جو بیٹری کی عمر بڑھانے میں مدد دیتا ہے۔ اینڈرائیڈ فونز میں بھی کچھ ماڈلز میں ایسی بیٹری مینجمنٹ سیٹنگز موجود ہیں، جنہیں آن کر کے بیٹری کو زیادہ دیر تک محفوظ رکھا جا سکتا ہے۔
یاد رکھیں! کبھی کبھار 100 فیصد چارج کرنا نقصان دہ نہیں، لیکن روزانہ ایسا کرنے سے بیٹری کی عمر نمایاں طور پر کم ہو سکتی ہے۔