خیبر پختونخوا کے ضلع خیبر کی وادیٔ تیراہ کے علاقے زڑہ پخہ میں موٹر سائیکل کی پارکنگ میں دھماکا ہوا ہے، تاہم کوئی جانی نقصان نہیں ہوا۔
خیبر پولیس کے مطابق دھماکےمیں کوئی جانی نقصان نہیں ہوا ہے تاہم متعدد موٹر سائیکلیں تباہ ہو گئیں، دھماکے کے بعد علاقے کو گھیرے میں لے لیا گیا۔
پولیس نے بتایا ہے کہ دھماکے کے وقت موٹر سائیکل پارکنگ میں کوئی موجود نہیں تھا۔ ، بارودی مواد موٹر سائیکل میں نصب کر کے دھماکا کیا گیا ہے، واقعے کی مزید تحقیقات جاری ہیں۔