وزیراعلیٰ خیبرپختونخوا علی امین گنڈاپور کے حکم سے ایک ماہ سے بند خیبرپختونخوا ہاؤس اسلام آباد کا اب تک ایک کروڑ چالیس لاکھ روپے سے زائد کا نقصان ہوچکا ہے۔
ذرائع کے مطابق خیبرپختونخوا ہاؤس میں کسی سرکاری اہلکار کو کمرے الاٹ نہیں کیے جا رہے، ہاؤس کی بندش سے اب تک1 کروڑ 40 لاکھ روپے سے زائد کا نقصان ہوچکا ہے۔
علی امین گنڈا پور نے 4 اکتوبر کے بعد ہاؤس کو تاحکم ثانی بند کردیا تھا، جس کے باعث سرکاری اہلکار ہوٹلوں میں ٹھہرنے پر مجبور ہیں۔
ذرائع کے مطابق سرکاری اہلکاروں کے ہوٹلوں میں ٹھہرنے سے ٹی اے ڈی اے کے بل اضافی بننے لگے۔
خیبرپختونخوا ہاؤس میں کُل 75 کمرے ہیں اور فی کمرہ کرایہ ساڑھے 5 ہزار روپے ہے، ہاؤس بند ہونے سے یومیہ 4 لاکھ 12 ہزار روپے کا نقصان ہونے لگا ہے۔