اسلام آباد، راولپنڈی پشاور اور لاہور سمیت ملک کے مختلف شہروں میں زلزلے کے جھٹکے محسوس کئے گئے۔
پاکستان کے وسطی اور شمالی علاقوں میں زلزلے کے باعث عوام دفاتر اور گھروں سے کلمہ طیبہ کا ورد کرتے ہوئے باہر نکل آئے۔
زلزلہ پیماہ مرکز کے مطابق زلزلے کا مرکز کوہ ہندو کش افغانستان تھا جس کی زیر زمین گہرائی 215 کلو میٹر ریکارڈ کی گئی جبکہ زلزلے کی شدت 5.4 ریکارڈ کی گئی۔
خیبر پختونخوا کے مختلف شہروں میں بھی زلزلے کے جھٹکے محسوس کیے گئے، ہنگو، مردان، ملاکنڈ، بونیر، پشاور، سوات، شمالی وزیرستان، شانگلہ اور دیر میں بھی زلزلے کے جھٹکوں کو محسوس کیا گیا۔
اس کے علاوہ پنڈدادن خان، ملکوال، پنڈی بھٹیاں، مانسہرہ، بٹ گرام، تورغر اور کوہستان میں بھی زلزلہ محسوس کیا گیا۔