سال کا آٹھواں مہینہ یعنی اگست آدھا گزر چکا ہے، اگر ستاروں کے حوالے سے بات کی جائے تو اگست میں پیدا ہونے والوں کا برج اسد اور برج سنبلہ ہوتا ہے جو ایک مضبوط شخصیت کی نشانی ہے۔
آئیے جانتے ہیں اگست میں پیدا ہونے والے افراد کی شخصیت کے کچھ دلچسپ حقائق جن سے یقیناً بہت سے لوگ ناواقف ہوں گے۔
اسد، شیر چونکہ بہادری اور لیڈر شپ کی مثال ہوتا ہے لہٰذا اس برج اور مہینے کی پیدائش والے لوگوں کے اندر بھی یہ ہی خاصیت ہوتی ہے کہ وہ ایک مضبوط ارادوں کے لوگ ہوتے ہیں۔
وہ افراد جن کا پیدائشی ماہ اگست ہے وہ انتہائی پراعتماد ہوتے ہیں جو اپنے اوپر ایک تنقیدی نگاہ رکھتے ہیں تاکہ ان کا کوئی کام غلط نہ ہو، یہ وہ متاثر کن افراد ہیں جن سے لوگ بہت کچھ سیکھنا چاہتے ہیں۔
یہ افراد اپنی غلطیوں سے لازمی سیکھتے ہیں، یہی وجہ ہے کہ ان افراد کے متعدد کام ٹھیک ہوتے ہیں، اس کے علاوہ یہ لوگ وفادار دوست بھی ہوتے ہیں۔
اگست میں پیدا ہونے والے لوگ بہت اچھی گفتگو کر سکتے ہیں، وہ اپنی گفتگو کے موضوعات میں پراعتماد اور اچھی طرح سے تحقیق کرتے ہیں، یہ وہ لوگ ہیں جو کسی بھی موضوع پر اچھی طرح سے بات چیت کر سکتے ہیں۔
اگست میں پیدا ہونے والے افراد کسی بھی محفل میں توجہ کا مرکز ہوتے ہیں۔