پاکستاب تحریک انصاف (پی ٹی آئی) نے پارلیمنٹ ہاؤس کے باہر بھوک ہڑتالی کیمپ عارضی طور پر مؤخر کردیا ہے۔
اپوزیشن لیڈر عمر ایوب نے میڈیا کو بتایا کہ فی الوقت 14 اگست تک کیمپ ملتوی کیا جارہا ہے۔
انھوں نے کہا کہ قوم حقیقی جشن آزادی منائے، ہم 14 اگست کو تمام بڑے شہروں میں جلسے کریں گے۔
ان کا کہنا تھا کہ علامتی بھوک ہڑتال کے دوسرے مرحلے کا اعلان جلد کیا جائے گا۔
واضح رہے کہ عمر ایوب کے ہڑتالی کیمپ عارضی طور پر مؤخر کرنے کے اعلان سے قبل پاکستان تحریک انصاف کی جانب سے گزشتہ کئی روز سے پارلیمنٹ ہاؤس کے سامنے روزانہ سہ پہر 3 سے شام 7 بجے تک کیمپ کا انعقاد کیا جارہا تھا۔