سابق وفاقی وزیر فواد چوہدری کا کہنا ہے کہ ملک میں گرینڈ ڈائیلاگ کی ضرورت ہے ، پی ٹی آئی کو پر جوش ہونے کی بجائے سیاسی جماعتوں کے ساتھ مل کر مسئلہ حل کرنا ہوگا۔
فیصل آباد میں نومئی واقعات کے مقدمات میں انسداد دہشتگردی کی عدالت میں پیشی کے بعد گفتگو کرتے ہوئے سابق وفاقی وزیر فواد چوہدری کا کہنا تھا کہ ریاست کو رحم دل ہونا چاہیے لیکن انتہا کی سختی کی جا رہی ، ہماری خواتین کو جیل میں اذیت میں رکھا گیا۔
فواد چوہدری نے مزید کہا کہ ملک میں افراتفری کا ماحول ہے سرمایہ کار بیرون ملک جا رہے ہیں معیشیت کی نہیں ملک کی فکر کریں ،مولانا فضل الرحمان کے مطالبات اس وقت پی ٹی آئی کے مطالبات جیسے ہیں۔