بھارتی ٹی وی کی مشہور اداکارہ ڈولی سوہی انتقال کرگئیں۔
بھارتی میڈیا کا کہنا ہے کہ ڈولی سوہی سروائیکل کینسر میں مبتلا تھیں، ان کی عمر 48 برس تھی،انتقال گزشتہ رات ہوا۔ایک رات قبل ہی اداکارہ کی بہن امندیپ سوہی یرقان کی وجہ سے انتقال کرگئی تھیں۔
اداکارہ ڈولی سوہی کے اہلخانہ نے بھارتی میڈیا سے گفتگو کرتے ہوئے بتایا، ہماری ڈولی ہم سے بہت دور چلی گئی، ہم سب صدمے سے دوچار ہیں۔
خاندانی ذرائع کے مطابق اداکارہ ڈولی میں 6 ماہ قبل سروائیکل کینسر کی تشخیص ہوئی تھی ۔قبل ازیں اداکارہ کی بہن کی موت سے متعلق خاندان کا کہنا تھا کہ’’ یہ سچ ہے کہ امندیپ بھی زندہ نہیں ہے، اس کا جسم بیماری سے لڑتے لڑتے ہار گیا تھا، اسے یرقان تھا‘‘۔